Lajme

Kuqezinjtë bllokohen në Bjellorusi

E enjte, 3 Shtator 2020 - 21:45 albinfo.ch

Si të mos mjaftonte vështirësia për debutimin në Ligën e Kombeve këtë edicion, kombëtarja shqiptare do të duhet të përballet edhe me një atmosferë të tendosur në kryeqytetin e Bjellorusisë për shkak të situatës politike.

Që prej zbarkimit në mbrëmjen e së mërkurës, futbollistët dhe stafi, të kushtëzuar nga protestat në Minsk, por gjithashtu protokolli i rreptë shëndetësor prej pandemisë, kanë pasur lëvizje të kufizuara dhe lëvizja e vetme është nga hoteli drejt “Dinamo National Olympic Stadium”, ku do të luhet sfida mbrëmjen e së premtes.

Shqipëria e trajnerit Reja kuptohet si skuadër favorite për kreun e grupit për Ligën e Kombeve, por këtë duhet ta fitojë në fushë. Problemet burokratike dhe kufizimet kanë reduktuar listën e teknikut që tani duhet të improvizojë formacionin, raporton tch, përcjell albinfo.ch.

Strakosha pritet të mos lëvizë nga porta, ndërsa para tij do të rreshtohen Veseli, Hysaj, Gjimshiti dhe Dermaku. Në mesfushë Abrashi do të garantojë kilometrat e nevojshëm, ndërsa me të Gjasula dhe Bare, ndërsa ofensiva do t’i besohet Cikalleshit dhe Manajt, me përjashtim të surprizave të minutës së fundit.

UEFA përcaktoi dhe arbitrat e sfidës së Minskut, me kryesor suedezin Cristoffer Karlson.

 Të ngjashme

Sa përkrahet përfaqësuesja kosovare nga shqiptarët e Zvicrës?

 Të tjera nga Lajme

Komisioni bën thirrje për marrëveshje me një vend të tretë për të dëbuar aplikantët e refuzuar nga Eritrea

 E-Diaspora

 Jeta në Zvicër