Kosova
Kurti pret në takim një delegacion të Partisë Socialdemokrate nga Zvicra
Ata biseduan për bashkëpunimin dhe avancimin e mëtejmë të marrëdhënieve ndërmjet Partisë Socialdemokrate dhe Qeverisë, sidomos në fushat e ekonomisë, arsimit dhe kulturës
Kryeministri i Kosovës, Albin Kurti, priti sot në takim një delegacion të Partisë Socialdemokrate (SP) nga Zvicra, që përbëhej nga deputetët nacionalë, Mustafa Atici dhe Fabian Molina, deputeti komunal Reis Luzhnica, anëtarin e Kryesisë së SP-së, Arbër Bullakaj, sindikalistët Osman Osmani dhe Florim Kadriu, sekretarja e grupit të migrantëve të SP-së, Lara Can, si dhe Urim Deva, delegat i Grupit të migrantëve.
Në njoftimin e Qeverisë bëhet e ditur se ata biseduan për bashkëpunimin dhe avancimin e mëtejmë të marrëdhënieve ndërmjet Partisë Socialdemokrate dhe Qeverisë, sidomos në fushat e ekonomisë, arsimit dhe kulturës, transmeton Albinfo.ch.
“Si socialdemokratë në dy vendet tona, ne duhet të bashkëpunojmë sa më afër dhe për interesat dhe çështjet tona të përbashkëta, siç janë zhvillimi socio-ekonomik, vlerat socialdemokrate, si dhe shkëmbimi bilateral në fusha të ndryshme”. “Gjatë qëndrimit në Kosovë, delegacioni do të takojë edhe aktorë të ndryshëm nga shoqëria civile, ndërmarrësia e TIK-ut, si dhe institucione të tjera të Republikës së Kosovës. Anëtarët e delegacionit theksuan mbështetjen e plotë për Qeverinë e Kosovës nga Partia Socialdemokrate e Zvicrës për ta bërë Kosovën një rrëfim suksesi, si dhe për ta përmirësuar jetën e qytetarëve të Kosovës”, thuhet në njoftim.
E-Diaspora
-
Shqipëria, pjesë e paradës së karnavaleve në Berlin Bëhet e ditur se edhe Shqipëria do të jetë pjesë e paradës së karnavaleve në Berlin,...
-
Prokuroria kërkon 18 vjet burgim për autorin e vrasjes së Shqiponja Isufit
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Nesër është dita e fundit e regjistrimit të diasporës
Jeta në Zvicër
-
Alain Berset kaloi një javë pune të frytshme në Shqipëri Berset paraqiti kandidaturën për postin e Sekretarit të Përgjithshëm të Këshillit të Europës, Zvicra e mbështet...
-
A mund të mbulohen së shpejti syzet dhe lentet e kontaktit nga sigurimi shëndetësor zviceran?
-
Po bëhet presion që Eurovizioni të organizohet në Gjenevë
-
Kompania kosovare që mobiloi resorte botërore
-
Rruga Gotthard Pass mbetet e mbyllur gjatë “Pentecost”