Kurti udhëton drejt Kroacisë

(AP Photo/ Visar Kryeziu)

Kryeministri i Kosovës, Albin Kurti, do të udhëtojë drejt Kroacisë pas aksidentit tragjik të autrobusit me mërgimtarët, ku humbën jetën nëntë prej tyre, së bashku me njërin prej shoferëve.

Kryeministri kroat, Andrej Plenkoviq, ka konfirmuar se do të takohet me kryeministrin kosovar në Slavonski Brod, aty ku humbën jetën dhjetë persona ndërsa dhjetëra janë lënduar.

I pari i qeverisë sonë dhe homologu kroat do të takohen rreth orës 18:00 të ditës së sotme.

Dy liderët më pas do të vizitojë spitalin, ku po trajtohen pasagjerët e plagosur dhe pritet të mbajnë konferencë për shtyp.

Ndërkohë, Kurti më parë ka konfirmuar se drejt shtetit kroat ka udhëtuar edhe ministri i Punëve të Brendshme, Xhelal Sveçla, shkruajnë mediat kosovare, përcjell albinfo.ch.