Kush është miliarderi më i ri në botë

Kjo sipas listës së 35-të vjetore të miliarderëve të Forbes, e cila u publikua më 6 prill

Kevin David Lehmann, 18 vjeç, vlen 3.3 miliardë dollarë pasi trashëgoi aksione në zinxhirin e farmacive gjermane dm-drogerie markt nga babai i tij, Guenther Lehmann. Kjo sipas listës së 35-të vjetore të miliarderëve të Forbes, e cila u publikua më 6 prill.

Dm-drogerie markt, burimi i pasurisë së Lehmann, është zinxhiri kryesor i farmacive në Gjermani. Ajo u themelua në vitin 1974. Sipas faqes së internetit të kompanisë, ajo punëson mbi 41,000 njerëz në më shumë se 2,000 dyqane në gjithë Gjermaninë.

Sipas Forbes, as Lehmann dhe as babai i tij nuk janë përfshirë në mënyrë aktive në kompani, dhe dihet pak për ta, transmeton Scan, përcjell albinfo.ch.

Vendi numër 2 midis miliarderëve më të rinj në botë më 2021 mbahet nga 24-vjeçari Wang Zelong i Kinës, i cili vlen 1.5 miliard dollarë. Vendet Nr. 3 dhe 4 mbahen nga motrat Norvegjeze Alexandra dhe Katharina Andresen, të cilat janë përkatësisht 24 dhe 25 vjeç dhe secila me vlerë 1.4 miliard dollarë. Ata të dy zotërojnë një pjesë të kompanisë së tyre familjare, Ferd, një firmë investimesh miliarda dollarëshe.

Profili i ulët i miliarderit më të ri aktual në botë i cili nuk ka prani të dukshme në ndonjë platformë të madhe shoqërore, qëndron në kontrast të plotë me titullarin e mëparshëm. Në edicionin e vitit 2020 të renditjes së miliarderëve të Forbes, titulli u mbajt nga ylli i televizionit të realitetit dhe manjate e modës Kylie Jenner. Ndërsa 23-vjeçarja Jenner ka rënë plotësisht nga renditja e miliarderëve të Forbes 2021, ajo në mënyrë të diskutueshme u emërua miliarderja më e re në botë në moshën 21 vjeç.

Lista e Forbes mbledh së bashku informacionin mbi njerëzit më të pasur në botë që përdorin çmimet e aksioneve dhe kurset e këmbimit që nga 5 Marsi dhe konsideron vetëm ata individë, të cilët kanë një vlerë neto më të larta se 1 miliard dollarë. Sipas listës, tani ka 2,755 miliarderë në botë, më shumë sesa ndonjëherë më parë.

Edhe pas vitit pandemik të vitit 2020, miliarderët në botë janë gjithashtu më të pasur se sa kanë qenë ndonjëherë, megjithëse vlerësimet e fitimeve të tyre kolektive ndryshojnë. Për Forbes, pasuritë kolektive të miliarderëve në botë u rritën me 8 trilionë dollarë në 13.1 trilionë dollarë. Ndërkohë, një raport nga Instituti për Studime të Politikave zbuloi se miliarderët e botës shtuan 4 trilionë dollarë dukshëm më pak se vlerësimi i Forbes në pasurinë e tyre nga 18 mars 2020 deri 18 mars 2021.

---