Lajme
Ky fshat italian dëshiron t’i përkasë Zvicrës
Fshati Monteviasco mund të arrihet vetëm në këmbë. Duke ju bashkuar Zvicrës, fshati italian kërkon t'i japë fund izolimit
I vendosur midis liqenit Lago Maggiore, malit Monte Tamaro dhe qytetit Lugano shtrihet fshati i vogël italian, i quajtur Monteviasco. Përshkrimi tingëllon idilik, por fshati aktualisht po vlon.
Monteviasco është shkëputur nga bota e jashtme që nga viti 2018, transmeton albinfo.ch. Nëse doni të shkoni nga lugina në fshatin malor, ju duhet fuqi dhe kondicion: fshati mund të arrihet vetëm në këmbë dhe, duhet të ngjitesh 1400 shkallë për të arritur në fshatin malor.
Edhe pse fshati ka një teleferik, për shkak të një rasti vdekjeje, ai nuk ka qenë në funksion që nga viti 2018. Dhe shteti italian duket se nuk po bën asgjë për këtë, shkruan srf.ch. Për këtë arsye fshati po merr në dorë fatin e tij: me një letër provokuese banorët kërkojnë që fshati t’i aneksohet Zvicrës.
“Nëse tërheqja e kufirit kombëtar do të ndihmonte për të shpëtuar nga prangat e burokracisë italiane, atëherë Zvicra është e mirëpritur”, thuhet në letër.
Megjithatë, me sa duket banorët e Monteviaskos nuk e kanë seriozisht letrën e tyre. Siç shkruan gazeta “Prealpina”, letra synon të rindezë debatin për të ardhmen e luginës.
Por Monteviasco nuk është fshati apo rajoni i parë që mendon t’i bashkohet Zvicrës.
Në mars të vitit 2012, një peticion në internet donte ta bënte Lombardinë kanton zviceran. Brenda gjashtë ditëve, 20,000 njerëz kishin nënshkruar peticionin, përcjell albinfo.ch. Por, për të plotësuar kushtet për referendum, duhej të mblidheshin 500,000 nënshkrime.
Janë edhe disa raste të tjera, të ngjashme. Njëri prej tyre vinte nga ana ekundërt: Nuk kishte kërkesë nga Italia por nga Zvicra në vitin 2019. Financiarisht, enklava italiane e Campione d’Italia ishte në gjendje të keqe. Këshilltari i qeverisë së Kantonit Ticino, Norman Gobbi nga partia Lega, i ofronte “zviceranizimin” atij fshati nëse Italia nuk do të arrinte ta nxirrte atë nga kriza.
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane