Shqipëria
Largohen mërgimtarët, forcohet euro
Fundi i gushtit dhe fillimi i shtatorit përkojnë me ikjen e mërgimtarëve dhe uljen e fluksit të turistëve, duke ndikuar në uljen e ofertës për valutë në treg
Euro e ka mbyllur javën duke u këmbyer me 126.5 lekë, 0.08 lekë më shumë se një ditë më parë dhe duke arritur në nivelin më të lartë që nga data 12 qershor, sipas kursit zyrtar të Bankës së Shqipërisë.
Me përjashtim të ditës së mërkurë, euro ka qenë në rritje për 12 ditë radhazi. Më i luhatshëm ka qenë dollari, i cili këmbehej me 108.69 lekë, 0.1 lekë më pak se një ditë më parë.
Akterët e tregut pohojnë se forcimi i euros ka lidhje me mbarimin e efekteve sezonale. Fundi i gushtit dhe fillimi i shtatorit përkojnë me ikjen e mërgimtarëve dhe uljen e fluksit të turistëve, duke ndikuar në uljen e ofertës për valutë në treg, shkruan ‘monitor’.
Megjithatë, edhe në gjysmën e parë të gushit, rënia e euros ishte e frenuar, pavarësisht fluksit të shtuar të valutës, për shkak se Banka e Shqipërisë ka qenë aktive në treg për të mos lejuar nënçmimin e fortë të monedhës së përbashkët. Niveli më i ulët që u arit në gusht ishte 125.38 lekë, përcjell albinfo.ch.
Që prej fillimit të qershorit, kur euro zbriti në 124.17 lekë, nga gati 134 lekë që ishte në ditët e para të janarit, banka e Shqipërisë nisi një seri ndërhyrjesh të jashtëzakonshme në tregun e brendshëm që synonin të frenonin rënien e pakontrolluar të euros. Pas disa luhatjeve të mëdha në ditët e para, euro u stabilizua në nivelin e rreth 126 lekëve.
E-Diaspora
-
“Festivali i këngës dhe valles shqiptare”, një festë për shqiptarët në Nju Jork Ky ishte edicioni i 32 me radhë, i organizuar nga Qendra Kulturore “Nënë Tereza”, pranë Kishës...
-
Shqipëria njofton për pajisje me dokumente elektronike për shtetasit që jetojnë jashtë vendit
-
Edi Rama sot mban takim me shqiptarët e Amerikës në Nju-Jork
-
Nga Vjena në Shqipëri, ekstradohet një shtetas shqiptar
-
Në Gjermani janë regjistruar më shumë se 200 mijë qytetarë nga Kosova
Jeta në Zvicër
-
Qeveria zvicerane përballet me kritika për përfshirjen e mediave elektronike në ligjin për radio-TV Ndryshimet në Aktin Federal të Radios dhe Televizionit të Zvicrës (RTVA) janë pritur mirë në një...
-
Zvicra anëtarësohet në sistemin e mbrojtjes ajrore të Evropës
-
Studimi tregon se pagat e CEO-ve në Zvicër u rritën me 5% në vitin 2023
-
Ushtria zvicerane, pa softuer të logjistikës së luftës deri në vitin 2035
-
Kamerat e trupit për gjyqtarët e futbollit po bëhen temë në Zvicër