LDK-ja insiston se zgjedhjet janë forma më ë mirë për ta ndaluar Thaçin

Shefi i grupit parlamentar të LDK-së, Avdullah Hoti, ka thënë se propozimi për ndryshimin e kufijve po i dëmton proceset për njohje të reja dhe liberalizim të vizave.

Ai përmes një postimi në rrjetin social Facebook, ka theksuar se procesi i njohjeve është reduktuar deri aty se kur kuptohet se një shtet apo tjetër nuk e ka tërhequr njohjen ndaj Kosovës, po konsiderohet si sukses, përcjell albinfo.ch.

“Kurse për ngecjet në procesin e liberalizmit të vizave po akuzohet se është Brukseli”, ka shkruar ai.

Hoti ka shtuar se LDK do të vazhdojë pa hezitim për të ndalur këtë ide duke shtuar se zgjedhjet janë zgjidhja e vetme.