Lëndimi, e nxjerr Feratin për 4-6 javë jashtë fushës!

Ferati nuk do të jetë as në dispozicion të kombëtares së Zvicrës, në dy ndeshjet që ajo do t`i zhvillojë në javët e ardhshme

Pas lëndimit që pësoi në ndeshjen e parë në të cilën debutoi për FC Freiburgun, ish lojtarit shqiptar të FC Baselit, Beg Feratit do t`i duhet të qëndrojë për një kohë të konsiderueshme larg fushës së gjelbër.

Katër deri në gjashtë javë do t`i duhen nevojiten atij derisa të shërojë gjurin e djathtë të lënduar, kanë thënë mjekët për mediet gjermane.

Në gjendjen ku është, Beg Ferati nuk do të jetë as në dispozicion të kombëtares së Zvicrës në dy ndeshjet që ajo do t`i zhvillojë në javët e ardhshme. Fjala është për ndeshjet vendimtare për kualifikim në Kampionatin Evropian, kundër Uelsit në Swansea, më 7 tetor dhe atë kundër Malit të Zi, më 11 tetor në Bazel.

Ndeshjen e parë për kombëtaren e Zvicrës Ferati e kishte luajtur në muajin gusht, në një ndeshje provuese kundër Lichtensteinit.