Lëndohet Valon Behrami

Kombëtarja zvicerane nuk ka arritur të realizojë ëndrrën për të fituar tre pikë në ndëshjen ndaj Bullgarisë dhe t’i shtojë gjasat për një kualifikim të mundshëm në Euro 2012. Një rezultat i tillë (0:0), nuk i ëhstë përshtatuar as Bullgarisë, kështu që të dy ekipet praktikisht i kanë humbur gjasat nga garat e mëtejme kualifikuese.

Gjatë tërë ndeshjes, zviceranët e kishin vetëm një rast të mirë për të shënuar, ndërsa hendikep i madh për Kombëtaren zvicerane ndodhi në minutën 17’ kur kosovari Valon Behrami u lëndua në gjurin e djathtë dhe u zëvendësua nga Gelson Fernandes.

Në këtë ndeshje, titullar ishte edhe shqiptari tjetër Blerim Xhemaili, ndërsa për shkak të lëndimit, Xherdan Shaqiri nuk ka qenë në listën e futbollistëve të përzgjedhur. Lojën e ka karakterizuar një agresivitet i lojtarëve, ndërsa në minutën 15’ Valon Behrami është ndëshkuar me karton të verdhë.