Liqeni i Shkopetit, një vend që duhet vizituar

"Në rast se ruajmë faunën dhe florën, ky vend do të shndërrohet në një nga destinacionet më të preferuara për vizitorët e vendit dhe turistët e huaj"

Vetëm një orë larg Tiranës, liqeni i Shkopetit është një ndër bukuritë natyrore që duhet të vizitohen patjetër nga turistët.

Natyra është imponuese dhe e plotfuqishme. Dy shkëmbinj të mëdhenj ngrihen në krah të tij, ndërsa liqeni nga të gjitha anët rrethohet nga gjelbërimi. Liqenin mund ta përshkosh në të gjithë gjatësinë e tij vetëm me mjete lundruese.

“Në rast se ruajmë faunën dhe florën, ky vend do të shndërrohet në një nga destinacionet më të preferuara për vizitorët e vendit dhe turistët e huaj”, thonë disa sipërmarrës, që thonë se duan ta kthejnë këtë liqen në një vend ku zhvillohen pasione si peshkimi apo gara me kanoe, por kërkojnë mbështetje për të zbatuar planin e tyre. Ata thonë se turistët që vijnë kryesisht nga Austria qëndrojnë me ditë dhe ngrenë çadrat e tyre, duke shijuar kontaktin me gjelbërimin ajrin e pastër e duke bërë edhe hiking.

Liqeni i Shkopetit dhe Ulzës ndodhen rreth 68 km nga Tirana, por fatmirësisht deri më tani nuk ka fatin e shtigjeve që hapen, shkelen dhe betonizohen nga ndërtimet.