Lucern: Një hotel përfshihet nga zjarri, një zjarrfikës i lënduar

Foto fb: Feuerwehr Stadt Luzern

Një zjarr shpërtheu të dielën në mbrëmje në Lucern, në një pronë ndodhet pranë stacionit të trenit teksa raportohet për një zjarrfikës të lënduar.

Klientët dhe stafi arritën të evakuoheshin në kohë.

Zjarri që shpërtheu të dielën në mbrëmje në hotelin Continental Park në Lucern është nën kontroll teksa kishte përfshirë disa dhoma.

Një zjarrfikës u transportua në spital

Një zjarrfikës u lëndua lehtë në krah dhe u transportua në spital për kujdes, thanë zjarrfikësit e qytetit të Lucernës në një deklaratë të lëshuar natën e së dielës ndaj së hënës.

Sipas autoriteteve, 60 persona u evakuuan nga hoteli dhe ndërtesat fqinje, raporton RTS. Gjashtë persona dhe dy zjarrfikës u ekzaminuan si masë parandaluese për shkak të helmimit të mundshëm nga tymi, transmeton albinfo.ch.

Zjarr i lokalizuar

Alarmi u dha në orën 7:39 të mbrëmjes, tha Marcel Spengler, zëdhënës i brigadës së zjarrfikësve të qytetit të Lucernës, për Keystone-ATS të dielën në mbrëmje. Rreth orës 22:00, zjarri ishte nën kontroll, por ende jo plotësisht i shuar. Shërbimet e emergjencës arritën gjithashtu të parandalonin përhapjen e zjarrit në ndërtesa të tjera.

Sipas Marcel Spengler, rreth 120 persona nga disa brigada zjarrfikëse u mobilizuan për këtë ndërhyrje të rëndësishme në Murbacherstrasse, pranë stacionit të Lucernës.