Ekonomi

Lufthansa blen pjesën më të madhe të avionëve të Air Berlin

Linja ajrore më e madhe e Gjermanisë, Lufthansa do të blejë më shumë se gjysmën e avionëve të konkurrentit të tij të falimentuar Air Berlin, është shprehur shefi ekzekutiv Carsten Spohr, shkruan ‘thelocal.de’.

Linja ajrore më e madhe e Gjermanisë do të shkojë deri në 81 aeroplanë të Air Berlin-it dhe do të marrë 3,000 punëtorë nga 8.500 stafi i saj, theksoi shefi ekzekutiv i kompanisë Lufthansa, Carsten Spohr në Berlin, duke e cilësuar këtë si një “ditë të madhe” për kompaninë e tij, përcjell albinfo.ch.

Lufthansa ende nuk ka thënë se sa do të paguajë në bazë të marrëveshjes, por Spohri i tha gazetës “Rheinische Post” të enjten se grupi do të investonte 1.5 miliardë euro lidhur me marrjen në dorëzim.

Ai shtoi se 80 avionë ishin shtimi më i madh i flotës së Lufthansës që autoritetet e konkurrencës do të pranonin.

Avionët e Air Berlin janë vlerësuar për t’u shitur për 150 milionë euro.