Bota

Mafia italiane “prodhon” 16 miliardë euro në vit

Vetëm nga tregtia e drogës janë gjeneruar afër dymbëdhjetë miliardë euro. Pjesa jetër, kryesisht me prostitucion

Organizatat kriminale mafioze italiane si “N`Drangheta” dhe “Cosa Nostra”, gjatë vitit 2015 kanë gjeneruar afër 16 miliardë euro. Kjo shifër është publikuar sot nga Zyra Italiane për Statistika dhe e kanë transmetuar mediet botërore.

Këto para janë krijuar në radhë të parë nga tregtia me drogë dhe nga prostitucioni. Vetëm nga tregtia e drogës janë gjeneruar afër dymbëdhjetë miliardë euro.

Ndërkaq, ekonomia informale ose “në të zezë” në përgjithësi llogaritet të ketë gjeneruar rreth 190 miliardë euro. Kjo shumë përbën 12.6 për qind të gjithë brutoproduktit nacional të Italisë. Në këtë kategori hyjnë evazioni fiskal (bishtnimi i tatimeve) dhe puna në të zezë.

Përkundër konjunkturës së përmirësuar, në Itali punojnë në të zezë plotësisht ose pjesërisht rretzh 3.7 milionë veta. Në bujqësi kjo është më e shprehur se në degët tjera ekonomike, pasi që 47.6 për qind të të gjithë të punësuarve në këtë degë, punojnë pa letra.