Majlinda Kelmendi, shpresa dhe krenaria e sportit kosovar

Majlinda, në dy garat e fundit, ka marrë pikë maksimale, që i kanë siguruar asaj pjesëmarrjen në mënyrë automatike në lojërat olimpike

　　　　　　　　　

　

Ministri i Kulturës, Rinisë dhe Sportit, Memli Krasniqi, ka thënë se xhudistja Majlinda Kelmendi me sukseset që ka arritur deri tash paraqet shpresën dhe krenarinë e shtetit.

　

Ai u takua me xhudisten Kelmendi dhe trajnerin e saj, Driton Kuka, me ç`rast kanë biseduar për sukseset që Majlinda i ka arritur këto dy javët e fundit, si dhe për angazhimet në të ardhmen, e që kanë synim pjesëmarrjen e sportistëve kosovarë në Lojërat Olimpike “Londra 2012”.

　

Majlinda Kelmendi në dy garat e fundit, në Itali dhe Bjellorusi ka marrë pikë maksimale, që i kanë siguruar asaj përfundimisht pjesëmarrjen në mënyrë automatike në lojërat olimpike në vitin e ardhshëm.

　

Ministri Krasniqi ka thënë se ndjehet mjaft i lumtur për sukseset e fundit dhe shtoi se me këto të arritura të Majlindës deri tash, i gjithë populli i Kosovës është ndjerë krenar.

　

Mbështetja ime, ka theksuar ministri, e ministrisë dhe e gjithë institucioneve tjera shtetërore nuk do të mungojë në asnjë moment.

　

Xhudistja Majlinda Kelmendi dhe trajneri i saj Driton Kuka, kanë falënderuar ministrin për mbështetjen e madhe që iu ka dhënë deri tash dhe për kujdesin e vazhdueshëm që po tregon.

　

Ata njoftuan ministrin për rezultatet e arritura kohëve të fundit dhe për planet dhe garat tjera ndërkombëtare, në të cilat Majlinda do të marrë pjesë, deri në fillimin e lojëra olimpike.

  

---