Majlinda shpërblehet me 50 mijë dollarë

Federata Ndërkombëtare e Xhudos ka shpërblyer 14 sportistët që përfunduan në vendet e para në kategorinë e tyre, derisa Majlinda ishte e para në kategorinë deri në 52 kg

Xhudistja kosovare, kampione olimpike, Majlinda Kelmendi është shpërblyer me 50 mijë dollarë nga Federata Ndërkombëtare e Xhudos, shkruan albinfo.ch.

Kjo federatë ka shpërblyer 14 sportistët që përfunduan në vendet e para në kategorinë e tyre, derisa Majlinda ishte e para në kategorinë deri në 52 kg.

Majlinda kishte një vit të jashtëzakonshëm, duke fituar edhe medaljen e arta në Lojërat Olimpike në pjesëmarrjen e parë të Kosovës në këso gara.

“Ky është një moment i mrekullueshëm për të gjithë atletët e nivelit të lartë, duke më përfshirë edhe mua”, ka deklaruar Majlinda Kelmendi.