Maqedonia
Maqedoni e Veriut: 50 raste të reja me kollën e keqe
Instituti i Shëndetit Publik në Maqedoninë e Veriut ka njoftuar sot se javën e kaluar janë regjistruar 50 raste të reja me kollën e keqe.
Në periudhën nga 29 marsi deri më 4 prill, numri më i madh i të sëmurëve është regjistruar në Shkup, por raste janë raportuar edhe në Manastir, Tetovë, Gostivar, Kratovë, Veles dhe Gjevgjeli, transmeton albinfo.ch.
Këtë vit, në total, janë regjistruar 399 raste me kollën e keqe, e cila është është sëmundje që shkaktohet nga bakteri “bordetella pertussis”, dhe përhapet lehtësisht nga personi në person përmes spërklave nga kollitja ose teshtitja e personit të infektuar.
Simptomat ngjajnë me ato të një ftohjeje të zakonshme, duke përfshirë teshtitjen, rrjedhjen e hundës, temperaturë të ulët dhe një kollë të lehtë, kanë theksuar nga Instituti i Shëndetit Publik, duke përmendur se një person gjatë jetës mund të preket disa herë nga kjo sëmundje.
Në bazë të të dhënave të Institutit të Shëndetit Publik, 239 raste gjegjësisht 59.9 për qind e të infektuarve nga kolla e keqe nuk i kanë marrë dozat e vaksinës nga kjo sëmundje ose nuk kanë dëshmi të vaksinimit.
“Problemi më i madh mbeten dezinformuat, të cilat shpërndahen për sa i përket sigurisë së vaksinave. E dyta ka të bëjë me neglizhencën e prindërve që harrojnë afatin se kur duhet t’i vaksinojnë fëmijët me dozën e dytë ose tretë të vaksinës kundër kollës së keqe”, ka thënë Zllate Medoviq nga Komisioni për Sëmundje Ngjitëse, shkruan Radio Evropa e Lirë.
Ai e konsideron shqetësues faktin se kjo sëmundje tani shtrihet dhe në qytetet, ku më parë nuk ka qenë asnjë i regjistruar, sikurse Dibra, Kriva Pallanka, Gjevgjelia, Kërçova e tjera.
Komisioni për Sëmundje Ngjitëse në mbledhjen e fundit, të mbajtur më 4 prill, ka shqyrtuar gjendjen e krijuar, megjithatë nuk ka sugjeruar masa shtesë për mbrojtje nga kolla e keqe, duke theksuar se mbeten në fuqi masat më të hershme që kopshtet për fëmijë të mos i pranojnë fëmijët që nuk i kanë marrë tri doza të vaksinës kundër kollës së keqe.
Të tjera nga Maqedonia
E-Diaspora
-
Sot fillon në Cyrih Festivali i Filmit “Kino Kosova” Platforma albinfo.ch është partnere mediale e festivalit dhe ajo do të ju mbajë të informuar mbi...
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
-
Gjeneva
Festivali Ndërkombëtar i Filmit në Gjenevë për 4 vjet me radhë sjell fima shqiptarë
Jeta në Zvicër
-
Qeveria zvicerane synon ekuilibër më të mirë gjinor në administratën federale Qeveria njoftoi të mërkurën objektiva të reja të balancës gjinore për periudhën 2024-2027, veçanërisht për gratë...
-
Fillon Programi kundër ngacmimit në Gjenevë
-
Sondazhi: Aeroplani, mënyra më popullore për të shkuar me pushime për zviceranët
-
Zyra e Raportimit të Pastrimit të Parave në Zvicër regjistron një numër rekord raportimesh
-
Linja ajrore SWISS rifillon fluturimet e saj drejt Iranit