Maqedonia
Maqedoni: Lehtësohen masat, shkurtohet ora policore
Në vendimin e Qeverisë të miratuar sipas rekomandimeve të Komisionit për sëmundje infektive, vetëm nesër mbrëma në natën e festës së Bajramit nuk do të ketë fare orë policore
Nga nesër në Maqedoninë e Veriut ora policore do të zgjatë vetëm 4 orë, përkatësisht intervali i kufizimit të lëvizjes së qytetarëve do të jetë prej në mesnatë deri në 04 të mëngjesit për dy javët e ardhshme.
Në vendimin e Qeverisë të miratuar sipas rekomandimeve të Komisionit për sëmundje infektive, vetëm nesër mbrëma në natën e festës së Bajramit nuk do të ketë fare orë policore. Ky vendim mbetet si i mëparshmi që heqja e orës policore do të jetë ndërmjet natës së 12-13 majit për hir të festës së besimtarëve myslimanë në vend, përcjell Albinfo.ch.
Nga e mërkura e 12 majit lëvizja e lirë e qytetarëve do të jetë nga ora 5 mëngjes deri në 00 në mesnatë. Objektet gastronomike me pjesë të hapura, si tarraca dhe kopshte mund të punojnë deri në ora 23:30.
Qendrat e fitnesit dhe të stërvitjeve fillojnë me punë, por me protokolle si më parë të posaçme anti-kovid – njoftojnë nga Qeveria, transmeton Alsat.
Por, çfarë efekti në fakt do të ketë ndalimi i kufizimit të lirë pas mesnatës, kur zakonisht në atë kohë nuk ka aq shumë lëvizje? Epidemiologu Aleksandër Stojanov thotë se kjo masë nuk u hoq plotësisht për shkak të ndalimit të grumbullimit të të rinjve si në hapësira të jashtme, ashtu edhe brenda.
Grumbullimi është problemi kryesor dhe asgjë tjetër. Ka një vit e gjysmë që e flasim për të mos u mbledhur njerëzit, pavarësisht në parqe, koncerte, lojëra sportive, shkuarja në kishë e xhami. Nuk ka lidhje, virusi nuk bën dallime, atij i duhet grup të mblidhen njerëzit dhe lehtësisht të infektohen – tha Aleksandar Stojanov, ish-epidemiolog.
Lehtësimi i masave restriktive për parandalimin e përhapjes së infeksionit nga virusi korona vjen si rezultat i përmirësimit të situatës epidemiologjike në vend, thonë autoritetet shëndetësore. Apeli i tyre është që përkundër këtij lehtësimi, të respektohen masat e mbetura, si ruajtja e distancës, mosgrupimi i njerëzve më shumë se katër persona si dhe mbajtja e maskave, pa dallim se kush është vaksinuar.
Të tjera nga Maqedonia
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Pse 1 Maji nuk është festë publike kudo në Zvicër? Dita Ndërkombëtare e Punëtorëve shënohet më 1 maj, por vetëm disa pjesë të Zvicrës e festojnë...
-
E hëna në Zvicër: Përmbledhje e lajmeve më të fundit
-
Çfarë do të votohet në Cyrih më 9 qershor?
-
Rriten rastet e abuzimit psikologjik të fëmijëve në Zvicër
-
Zvicër: Priten qira akoma më të shtrenjta gjatë vitit të ardhshëm