Maqedonia
Pikë e re kufitare me Greqinë në rajonin e Prespës
Maqedonia e Veriut dhe Greqia do të kenë pikë të re kufitare edhe atë në “Markova Noga” në rajonin e Prespës. Kjo u nënshkrua nga ministri i Punëve të Jashtme, Nikolla Dimitrov dhe ministrja alternative për Punë të Jashtme e Greqisë, Sia Anagnostopulu. Kjo Marrëveshje, siç deklaroi edhe ministri Dimitrov, është e para e nënshkruar sipas dispozitave të Marrëveshjes së Prespës.
“Kemi përsëri një Marrëveshje historike, pas suksesit historik në Prespë. Për shkak se për herë të parë në Marrëveshje zbatohet edhe emri edhe terminologjitë e kontraktuara në Prespë. Kam kënaqësinë që këtë Marrëveshje për hapjen e kalimit kufitar tek “Markova Noga” në rajonin e Prespës e nënshkruam në tre gjuhë, në gjuhën maqedonase, atë greke dhe angleze. Gjuha maqedonase që është e rëndësishme për ne dhe që e flasin qytetarët e Maqedonisë së Veriut dhe diaspora jonë, por që nuk ka të bëjë me maqedonasit grek, në kontekst të nenit C”, deklaroi Nikolla Dimitrov, ministër i Jashtëm i RMV-së, shkruan alsatm, përcjell albinfo.ch.
Ministrja alternative greke, Sia Anagnostopulu, deklaroi se ndjehet e lumtur që bashkëpunimi mes dy fqinjëve po thellohet.
“Falënderoj të gjithë, para së gjithash ministrit Dimitrov për nënshkrimin e kësaj Marrëveshje historike dhe jam shumë e lumtur që të bashkëpunojmë dhe të forcojmë dhe thellojmë marrëdhëniet midis dy vendeve”, deklaroi Sia Anagnostopulu, ministre alternative për Punë të Jashtme të Greqisë.
Në takimin mes Dimitrovit dhe Anagnostopulu janë këmbyer mendime edhe për marrëdhëniet e përgjithshme bilaterale mes dy vendeve. Theks i veçantë është vendosur në implementimin e Marrëveshjes së Prespës me qëllim të intensifikimi të bashkëpunimit intensiv në të gjitha sferat. Po ashtu edhe për perspektivën evropiane të vendit tonë.
Të ngjashme
Të tjera nga Maqedonia
E-Diaspora
-
“Dardania” nga Winterthuri shkëlqen në festivalin “Hasi Jehon 2024” Nata e tretë ishte radha e SHKA “Dardania”, edhe atë e fundit...
-
Kaq mërgimtarë u regjistruan deri më 9 maj
-
Ambasada e Kosovës në Austri u bën thirrje mërgimtarëve që të regjistrohen
-
Heidi Heiz: Ndërtuese e urave në arsim – Nga asistentja, në menaxhimin e shkollës
-
“FjalaFest”, festivali i letërsisë shqipe në Milano
Jeta në Zvicër
-
Procedura 24 orëshe – 40 për qind më pak kërkesa për azil Kërkesat për azil nga shtetet e Magrebit dhe Libia ranë me rreth 40 për qind në...
-
Zvicër: Azilkërkuesit e mitur sulmojnë njëri-tjetrin me thika
-
Gjeneva do të votojë për ndalimin e simboleve të urrejtjes
-
Edhe 56-vjeçarët duan t’i bashkohen policisë së qytetit të Cyrihut
-
Pensioni i 13-të i AHV mund të paguhet përnjëherë në fund të vitit