Maqedonia

Maqedoni: Tetë viktima dhe 134 raste të reja me Covid-19

E martë, 16 Qershor 2020 - 15:10 albinfo.ch

KEYSTONE/ EPA/GEORGI LICOVSKI

Gjatë 24 orëve të fundit në Maqedoninë e Veriut kanë ndërruar jetë tetë pacientë me koronavirus. Pesë viktima janë nga Shkupi, një nga Kumanova dhe dy nga Tetova.

Viktimat janë prej moshës 65 deri në moshën 77 vjeçe.

Ministria e Shëndetësisë informon se nga 1173 testime të realizuara gjatë 24 orëve të fundit, 134 kanë rezultuar pozitivë me Covid-19.

Numri i përgjithshëm i pacientëve të diagnostikuar me Covid-19 në këtë vend shkon në 4289, prej të cilëve 1757 janë shëruar, kurse 201 pacientë kanë ndërruar jetë si pasojë e koronavirusit në disa raste të shoqëruara me sëmundje të tjera.

Për momentin në Maqedoninë e Veriut ka 2331 raste aktive me koronavirus. Gjithsej nga fillimi i pandemisë janë realizuar 45.054 testime për Covid-19.