Uncategorized
Maqedonia Veriore nuk përjashton mundësinë që ndeshja me Kosovën të luhet pa shikues
Në Federatën e Futbollit të Maqedonisë Veriore nuk e kanë përjashtuar mundësinë që ndeshja me Kosovën të luhet pa praninë e shikuesve.
Ndeshja Maqedoni Veriore – Kosovë luhet më 26 mars në Shkup, ndërsa është gjysmëfinale e plejofit për kualifikim në “Euro 2020”.
Në Maqedoninë Veriore janë marrë masa për parandalimin e përhapjes së koronavirusit. Aktualisht në fuqi është vendimi që ndeshjet e futbollit të luhen pa shikues, deri më 6 mars. Por kjo masë mund të vazhdohet deri më 13 mars, kanë raportuar të enjten media në Shkup.
Aktualisht ndeshja me Kosovën nuk është e rrezikuar, por në Federatën e Futbollit të Maqedonisë Veriore nuk e kanë përjashtuar mundësinë që ajo të luhet pa shikues. Një zëdhënës i Federatës ka thënë për sajtin “ekipa.mk” që situata po monitorohet në koordinim me Ministrinë e Shëndetësisë. Federata do të respektojë të gjitha vendimet e Qeverisë lidhur me masat për koronavirusin.
“Kemi pasur konsultime në Amsterdam gjatë Kongresit të UEFA-s për këtë çështje. Mund të them se si federatë duhet të respektojmë rekomandimet e Qeverisë dhe me siguri ndeshjet kampionale deri më 13 mars do të luhen pa shikues. Deri më tani ndeshja në mes të Maqedonisë dhe Kosovës nuk është në rrezik. Por mundësia që të luhet pa shikues, nuk përjashtohet. Çdo gjë varet nga vendimi i Ministrisë së Shëndetësisë. Nëse ka një vendim të tillë, ne do të njoftojmë UEFA-n. UEFA po e monitoron situatën në të gjitha vendet”, ka thënë zëdhënësi i Federatës së Maqedonisë, Zlatko Andonovski për “ekipa.mk”, përcjell Albinfo.ch
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritrea Një komitet i Këshillit Kombëtar miratoi një mocion të premten duke kërkuar që Zvicra të nënshkruajë...
-
Sa vlen Zvicra për UBS-në?
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën
-
Zvicër: Më 2024 priten më shumë zjarre për shkak të ngrohjes globale