Marina Gjermane shpëton 200 refugjatë nga përmbytja

Një anije e Marinës së Gjermanisë po merr pjesë në një aksion të madh shpëtimi në Detin Mesdhe. Bëhet fjalë për shpëtimin e një numri prej qindra refugjatësh.

Siç bën të ditur një zëdhënës i Ministrisë gjermane të Mbrojtjes një fregatë e Marinës Gjermane ka filluar aksionin e shpëtimit të refugjatëve te rrezikuar në detin e hapur.

Fregata “Hessen” sot rreth orës 9 ka marrë një telefonatë alarmi nga qendra italiane e shpëtimit. Sipas alarmit bëhej fjalë për një barkë druri në të cilën ishin rreth 200 refugjatë afrikanë të rrezikuar nga përmbytja, 250 kilometra afër ishullit Lampedusa.
Refugjatët janë vendosur në një port italian.