Mbetet në burgun për dëbim kosovari i dyshuar si simpatizant i ISIS-it

Duke qenë se skziston rreziku që ai të hidhet në ilegalitet, Gjykata Administrative e Bernës refuzon ankesën e kosovarit që ndodhet në paraburgim për dëbim

Një simpatizant i dyshuar i organizatës terroriste Shteti Islamik (ISIS) duhet të mbahet edhe më tutje në paraburgimin për dëbim, në Moutier (BE).

Sipas një aktgjykimi të publikuar të mërkurën, Gjykata Administrative e Bernës e ka hedhur poshtë ankesën e kosovarit si të pabazuar, transmeton albinfo.ch

I dyshuari ka kryer shkelje në mënyrë të përsëritur vitet e fundit; kryesisht bëhej fjalë për delikte të dhunës. Procedimet penale ndaj tij kanë vazhduar që nga viti 2019, ndër të tjera për shkelje të ligjit zviceran që ka shpallur të ndaluara, si terroriste, grupet Al-Kaeda dhe Shteti Islamik.

Sipas aktgjykimit të Gjykatës Administrative, personi në fjalë është i lindur në Zvicër si i biri i një çifti kosovar të pranuar përkohësisht. Nga dhjetori i vitit 2016 ai thuhet se ka vizituar rregullisht një xhami në Thun, ku punonte një imam selefist. Si rezultat, ai është bërë gjithnjë e më i radikalizuar.

Gjatë kontrollit të një shtëpie, ishin sekuestruar veshje ushtarake dhe veshje kamuflazhi. Në pajisjet elektronike kishte edhe përshkrime të dhunës me një referencë të qartë për organizatën terroriste Shteti Islamik. i përmenduri duket se kishte kontakt me mjediset xhihadiste, salafiste, shkruan gazeta Berner Zeitung.

Sipas gjykatës administrative, policia e kantonit të Bernës e ka përshkruar atë si një “person të paparashikueshëm dhe të rrezikshëm nga i cili mund të pritej të përgatiste dhe të kryente ndojë sulm terrorist bazuar në bindjet e tij fetare”.

Në korrik të vitit 2021, Zyra Federale e Policisë kishte urdhëruar që personi të deportohej në Kosovë menjëherë pas revokimit të pranimit të përkohshëm, transmeton albinfo.ch. Megjithatë, ankesa e tij është në pritje; efekti pezullues është tërhequr dhe ai duhet të presüee edhe më tutje vendimin, duzke qëndruar në paraburgimin për dëbim.

I riu është rritur në Zvicër, flet perfekt dialektin e gjermanishtes së Bernës dhe është në kontakt të ngushtë me familjen e tij. Sipas avokatit të tij, ai gjithashtu përpiqet të kërkojë një punë në liri dhe nuk ka asnjë interes të fshihet. Do të mjaftonte një masë më e butë, për shembull regjistrimi i detyrueshëm ose depozitimi i dokumenteve të udhëtimit.

Por Gjykata Administrative e sheh ndryshe këtë. Sipas saj ekziston rreziku që personi të fshihet, përcjell albinfo.ch. Ai është pa para dhe merr ndihmë sociale. Ai ka kryer vazhdimisht vepra penale, gjë që është tregues i rrezikut për t’u fshehur. Gjithashtu, arsyeja e dënimit me burg është rreziku i konsiderueshëm për jetën, që paraqet lirimi i tij eventual.

Paraburgimi i dëbimit zgjat deri më 21 janar 2022. Vendimi i gjykatës administrative mund t’i referohet gjykatës federale.

---