Mbi 31 gradë në këtë shtet evropian, stina e verës vjen në mars

Mësohet se Spanja po përballet me temperatura të larta, ende pa nisur stina e verës, përcjell albinfo.ch.

Në disa qytete, termometri ka shënuar mbi 31 gradë.

Në zonat veriore të vendit, që kanë një klimë me të ftohtë, gjatë nisjes së kësaj jave temperatura ka qenë 28 deri në 30 gradë.

Kurse në zonën e Mesdheut, termometri shënuar më tepër se 31 gradë.

Kjo ka bërë që për shkak të klimës së ngrohtë turistët t’u drejtohen plazheve.

Por rritja e temperaturave në këtë periudhë të vitit është e pazakontë. Ekspertët paralajmërojnë se Mesdheun këtë vit e pret një verë me temperatura ekstreme. Spanja, Italia dhe Greqia, gjatë vitit që lamë pas patën probleme serioze në bujqësi për shkak të thatësirës, si dhe dëme të konsiderueshme nga zjarret.

---