Lajme

Mbi 5 milionë të shëruar nga COVID-19

Shifrat më të larta të të shëruarve janë regjistruar në SHBA

E mërkurë, 24 Qershor 2020 - 11:40 albinfo.ch

Numri i të shëruarve pas infektimit me koronavirusin e ri (COVID-19) në mbarë botën ka shkuar në mbi 5 milionë, shkruan albinfo.ch.

Gjithsej 5.063.446 persona janë shëruar nga virusi në gjithë globin, sipas faqes së internetit “Worldometer”, e cila përpilon të dhënat në lidhje me pandeminë.

Shifrat më të larta të të shëruarve janë regjistruar në SHBA (1,020,412), Brazil (613,345), Rusi (368,822), Indi (258,827). Ndërsa shtetet evropiane si Gjermania, Spanja dhe Italia prijnë me numrin e të shëruarve, shkruan albinfo.ch.

Kujtojmë se pas shfaqjes në Kinë në dhjetor të vitit të kaluar, koronavirusi është përhapur gati në gjithë globin.

Nga ana tjetër, 9,373,825 raste kanë qenë të prekur me koronavirus në botë që janë regjistruar deri të martën në mëngjes, sipas të dhënave të siguruara nga Johns Hopkins University. /Albinfo.ch.