Lajme
Mbyllet procedura ndaj policit që ka qëlluar me armë mbi shqiptarin
Për shkak të "situatës së kërcënimit akut" në të cilën është gjetur, veprimi i oficerit të policisë konsiderohet i justifikuar, thotë prokuroria publike e Kreuzlingen-it
Një oficer i policisë ka qëlluar me armë zjarri një të ri shqiptar në stacionin hekurudhor të Kreuzlingen-it, Kantoni Thurgau. Kjo ka ndodhur në fund të janarit të këtij viti. Zyra e prokurorit publik në Kreuzlingen ka mbyllur tani procedurën penale kundër zyrtarit në fjalë, shkruan tagblatt.ch.
Prokuroria ka konstatuar se polici ka shtënë duke qenë në vetëmbrojtje.
Për shkak të “situatës së kërcënimit akut” në të cilën është gjetur, veprimi i oficerit të policisë konsiderohet i justifikuar, transmeton albinfo.ch. Ky është përfundimi i arritur nga prokuroria publike e Kreuzlingen-it.
Operacioni policor kishte ndodhur pasi që i riu shqiptar po ikte nga policia pasi që kjo e fundit donte ta arrestonte atë dhe dy burra të tjerë. Në këtë pozitë, i riu kishte nxjerrë një pistoletë.
Përkundër udhëzimeve nga policia për ta hedhur armën poshtë, ai kishte vazhduar ta mbante pistoletën në drejtim të policit, përcjell albinfo.ch. Pas kësaj, polici ka shtënë me armë në drejtim të të riut, i cili iku përsëri, por u arrestua pak më vonë. Askush nuk ka marrë lëndime.
Shkas për ndërhyrjen e policisë kishte qenë një njoftim se 25 vjeçari kishte kërcënuar me armë një person.
Të ngjashme
Të tjera nga Lajme
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
Jeta në Zvicër
-
Tonelata naftë derdhen në liqenin e Zug-ut Të martën në mëngjes një shofer kamioni goditi një bordurë me kamionin e tij. Tanki u...
-
Në këto aeroporte mbahen greva gjatë prillit dhe majit
-
Vdes ushtari zviceran nga të shtënat, gjatë ushtrimeve në kazermë
-
Dyshimi për mashtrim: Akuzohet për 250 mijë CHF që mori kredi për Covid
-
Zvicër: Thirrje për kujdes për personat që kanë vendosur tashmë goma verore