Më 1 gusht zviceranët mund të vizitojnë Pallatin Federal

Si çdo vit, Pallati Federal do të hapet ditën e Festës Kombëtare. Më 1 gusht, nga ora 9:00 deri në 16:00, publiku mund të shëtisë dhe të mësojë në lidhje me funksionimin e Parlamentit.

Presidentet e dy dhomave, Christa Markwalder për Dhomën Nacionale dhe Raphael Comte për Këshillin Qeveritar, do t’iu përgjigjen së bashku pyetjeve të shtruara nga publikun nga ora 10:00.

Në vende të ndryshme publiku mund të informohet në lidhje me aspektet historike të ndërtesës. Do të transmetohen dy filma, të cilët kanë për qellim t’iu lehtësojnë kuptimin e funksionimit të

Kuvendit: “Të flasim për Parlamentin” dhe “Salla 286”, e cila trajton çështjen e punës së Komisionit të Sigurimeve Shoqërore.

Së fundi, një argëtim muzikor dhe teatral do të sigurohet nga grupi Zusammenspiel, konservatori i muzikës së Neuchâtel-it, si dhe nga aktorë të shoqatës StattLand.