Lajme
Më 13 prill, koncert në Lucern, me moton “Skënderbeu na bashkon”
Koncerti mbahet në mbështetje të projektit të shoqatës “Hora e Skënderbeut” për vendosjen e shtatores së Gjergj Kastriotit Skënderbeut në Horën e Arbëreshëve
![](https://www.albinfo.ch/wp-content/uploads/2024/03/hora-skenderbeu-takimi-17-mars-2024-587x391.jpg)
Në lokalet e shoqatës “Bashkimi” në Uster të Zvicrës, të dielën, më 17 mars 2024, u mbajt takimi i dytë i shoqatave kulturore e ansambleve që veprojnë në Zvicër, të cilat bashkërisht do të mbajnë një koncert në mbështetje të projektit të shoqatës “Hora e Skënderbeut” për vendosjen e shtatores së Gjergj Kastriotit Skënderbeut në komunën Hora e Arbëreshëvet në Sicili. Kështu bën të ditur shoqata e përmendur, në një njoftim për media.
Koncerti do të mbahet më 13 prill 2024, në Kriens (Luzern), në Pilatussaal dhe mbahet nën moton “Skënderbeu na bashkon”, ku shoqatat kulturore e ansamblet do të paraqiten me program të pasur me këngë e valle. Do të ketë një apero nga ora 18:00, kur bëhet hapja e dyerve dhe në ora 19:00 do të fillojë koncerti.
U definua renditja si dhe koha e paraqitjes së secilës shoqatë. Pastaj u ndanë detyrat konkrete, ku secila shoqatë do të marrë pjesë në organizimin sa më të mirë të këtij koncerti.
U njoftua se do të ketë edhe këngëtarë, të cilët nuk janë pjesë e shoqatave, por që kanë një emër në skenën e muzikës.
Shoqata “Hora e Skënderbeut” u është mirënjohëse të gjitha shoqatave e ansambleve që do të jenë pjesë e këtij manifestimi të përbashkët. Falënderim i veçantë për shoqatën “Bashkimi” në Uster si nikoqire edhe e këtij takimi, thuhet në fund të njoftimit.
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n