Gruaja
Më 15 mars caktohet data e shenjtërimit të Nënë Terezës
4 shtatori 2016, kur mendohet se ajo do të shpallet e shenjtë, do të binte pikërisht përvjetorin e 19-të të vdekjes së saj, e diel, 5 shtator, 1997
Më 15 mars, me fillim në orën 10, tubimi i kardinalëve, (konsistorium) i drejtuar nga vet Papa Francesku do të caktojë datën e shenjtërimit të Nënë Terezës, shqiptares më të famshme në botë, me emrin civil Gongje Bojaxhiu. Sipas të gjitha gjasave, akti solemn i shenjtërimit do të zhvillohet më 4 shtator, shkruan orf.at
Këtë e ka vërtetuar për medie edhe Vatikani, duke publikuar të hënën një listë me emrat e atyre që pritet të shpallen të shenjtë, transmeton albinfo.ch. Krahas misionares shqiptare, tehmeluese e rendit të motrave të bamirësisë, në këtë listë janë edhe martiri meksikan Jose Sanchez der Rio, polaku, themelues i një rendi kishtar, P. Johannes Papczynski, prifti argjentinas Jose Gabriel Brochero si dhe konvertitja suedeze dhe themeluesja e një rendi kishtar, Maria Elisabeth Hesselblad.
Ceremonia e kanonizimit të Nënë Terezës, thuhet në tekstin e transmetuesit publik austriak do të jetë në fakt njëri ndër kulmet e vitit të shenjtë, të cilin Papa Francesku ia ka kushtuar temës së bamirësisë, përcjell albinfo.ch.
Në takimin ose Konsistorium-in që mbahet më 15 mars, vendimet do t`i marrin kardinalët së bashku me papën.
Papa Francesku më 18 dhjetor 2015 kishte hapur portën për shenjtërimin e Nënë Terezës, e cila është shpallur «e lume» në vitin 2003 nga Papa i atëhershëm Gjon Pali i dytë.
Ndihma që murgesha shqiptare u kishte dhënë më të varfërve në Kalkuta të Indisë, e ka bërë atë të njohur në gjithë botën.
4 shtatori 2016, kur mendohet se ajo do të shpallet e shenjtë, do të binte pikërisht përvjetorin e 19-të të vdekjes së saj, e diel, 5 shtator, 1997.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën