Lajme
Me identitet të rremë, 17 vjeçari niset për Siri
Ideja e këtij të mituri kishte përfunduar në Aeroportin Ndërkombëtar “Adem Jashari” në Prishtinë, pasi u arrestuar nga Policia e Kosovës. Ai kishte ndërruar mbiemrin
Një 17 vjeçar nga komuna e Gjilanit, kishte ndërruar identitetin dhe ia kishte mësuar Lindjes së Mesme për t’iu bashkuar grupit terrorist ISIS në Siri e Irak. Por, ideja e këtij të mituri kishte përfunduar në Aeroportin Ndërkombëtar “Adem Jashari” në Prishtinë, pasi u arrestuar nga Policia e Kosovës.
L.Robelli 17 vjeç, ishte nisur në shkurt të vitit 2015 për të shkuar në Siri, raporton RTK. Por, më shqetësues se tentimi i tij për të shkuar në Siri, është fakti se si i mituri arriti të pajiset me pasaportë dhe letërnjoftim origjinal, por me identitet të falsifikuar.
Në letërnjoftim L. nuk e ka mbiemrin Robelli por Rexhepi.
Babai i Lirimit, ka thënë se pasaporta dhe letërnjoftimit, i djalit të tij është lëshuar nga Zyra e gjendjes Civile në Ministrinë e Punëve të Brendshme të Gjilanit.
Ndonëse i mitur, gjykata urdhëroi që ai të vuante dënimin në institucionin edukativo-korrektues. Por, babi i tij thotë se vendimi i gjykatës nuk po zbatohet për shkak se djali i tij po vuan dënimin në burgun e Lipjanit bashkë me të tjerët që kanë kryer krime të rënda.
Ndryshe, në bazë të dhënave të Policisë së Kosovës, që shtatori i vitit të kaluar, nuk është regjistruar asnjë rast i shkuarjes së qytetarëve të Kosovës në vatrat e krizave, në Siri e Irak. Kështu ka deklaruar Ministri i Punëve të Brendshme i Republikës së Kosovës, Skender Hyseni, gjatë vizitave që po bënë nëpër komunat kosovare.
“Parandalimi i këtij fenomeni është bërë falë bashkëpunimit që kemi bërë bashkërisht edhe ju anëtarët e këshillave të sigurisë dhe miratimin të Ligjit Kundër Pjesëmarrjes në Luftëra të Huaja”, ka deklaruar ai.
Të tjera nga Lajme
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Projekti kombëtar i testimit të tokës zhvillohet të shtunën dhe të dielën “Tokat janë thelbësore për jetën: ato sigurojnë prodhimin e ushqimit, filtrojnë ujin dhe strehojnë një...
-
Zvicra nuk do të ketë një ‘Indeks të Lumturisë Kombëtare Bruto’
-
Netflix në Zvicër, me kosto të lartë
-
Zvicër: Veçanërisht të moshuarit kanë votuar për pensionin e 13-të
-
Zvicër: Kostot e sistemit shëndetësor kanë arritur 91.5 miliardë franga