Lajme
Me përurimin e tunelit Ceneri, Zvicra përmbyll projektin e saj të shekullit
Në kontrast me punën gjigante që është bërë për 28 vite, festimet e hapjes janë më shumë se modeste - koronavirusi ka shkatërruar të gjitha planet
Presidentja Federale Simonetta Sommaruga sapo ka bërë përurimin e tunelit bazik Ceneri. Solemniteti i përurimit po bëhet në portalin verior të tunelit, në Camorino të Ticinos, pas shumë vitesh ndërtimi, raporton srf dhe të gjitha mediat zvicerane.
Në kontrast me punën gjigante që është bërë për 28 vite, festimet e hapjes janë më shumë se modeste – koronavirusi ka shkatërruar të gjitha planet, transmeton albinfo.ch. Kështu, ceremonia e hapjes zhvillohet pa 650 të ftuarit e planifikuar. Po kështu, festa përkatëse në Ticino do të shtyhet për verën e vitit 2021. Vetëm mediat kanë mundësinë të ndjekin ceremoninë në terren. SRF News e transmeton atë drejtpërdrejt.
Presidentja Sommaruga ka hapur ceremoninë me një fjalim. “Unë kam kaluar pushimet e mia në Ticino që kur isha e vogël. Atëbotë më dukej se udhëtimi nuk mbaronte kurrë. Por tani veriu dhe jugu po afrohen”. Projekti Neat është “puna jonë e shekullit dhe na bën krenarë”, ka thënë në fund të fjalimit të saj, presidentja federale.
Presidentja Sommaruga, në një video të publikuar paraprakisht ka thënë se Neat forcon politikën e zhvendosjes (nga transporti rrugor në atë hekurudhor) dhe mbrojtjen e Alpeve, përcjell albinfo.ch. Falë tunelit, udhëtarët arrijnë më shpejt nga veriu në jug. Dhe kështu Kantoni Ticino po përfiton një linjë regjionale hekurudhore (S-Bahn) në trekëndëshin Bellinzona-Lugano-Locarno.
Me tunelin Ceneri, Zvicra po përfundon Transversalen e re alpin (NEAT). Kjo nënkupton një linjë të rrafshtë hekurudhore që përshkon Alpet. Transporti hekurudhor i mallrave kështu do të ketë në dispozicion një korridor të vazhdueshëm prej katër metrash midis Roterdamit (Holandë) dhe Gjenovës (Itali), ka thënë tutje Sommaruga.
Këshilltari Federal Ignazio Cassis ka thënë për SRF se Ticino po bëhet gjithnjë e më shumë një kanton i transportit publik – ndonëse me një vonesë të caktuar krahasuar me zonat urbane të Zvicrës gjermane-folëse. Në këtë kanton mbizotëron bundshëm transporti automobilistik, privat në krahasim me atë publik që zë vetëm 20%të gjithë transportit.
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Deputetët e Gjenevës shprehen kundër dhënies së të drejtave të plota politike për të huajt Banorët e vjetër të qytetit dhe kantonit më ndërkombëtar të Zvicrës tashmë kanë të drejtë të...
-
SBB aktualisht nuk shet bileta për biçikleta për udhëtime jashtë vendit
-
Stuhia e vitit të kaluar në La-Chaux-de-Fonds shkaktoi 120 milionë franga dëme
-
Kaosi i tifozëve të Servette në ndeshjen e futbollit, i dyshuari mund të akuzohet
-
Dëmtimi i bustit të Skënderbeut në Gjenevë, reagon Ambasadori i Shqipërisë