Medalja e argjendtë për Kosovare Asllanin

Ajo sot ka dhënë edhe një intervistë për “FIFA.com”, duke u shprehur se është krenare që është nga Kosova, derisa është gjithashtu e lumtur që përfaqëson Suedinë

Futbollistja nga Kosova, Kosovare Asllani ka fituar medaljen e argjendtë në Lojërat Olimpike “Rio 2016”. Ajo përfaqëson Suedinë, shkruan albinfo.ch.

Suedia në finale ka pësuar nga Gjermania me rezultat 1:2 dhe kështu medalja e artë ka shkuar për Kombëtaren gjermane. Megjithatë, edhe ky është një sukses i madh për futbollisten kosovare.

Ajo edhe në këtë ndeshje ka qenë titullare dhe ka luajtur deri në minutën e 68-të. Ajo sot ka dhënë edhe një intervistë për “FIFA.com”, duke u shprehur se është krenare që është nga Kosova, derisa është gjithashtu e lumtur që përfaqëson Suedinë.

Kështu, pas Majlinda Kelmendit edhe një tjetër sportiste kosovare fiton medalje olimpike në Rio. Më herët, futbollistja Fatmire Bajramaj kishte fituar medaljen e bronztë në “Pekin 2008”.

---