Lajme
Mediat zvicerane: Kosova i ka vënë syrin yllit të Zvicrës, Avdullahut
"Presidenti i Federatës së Futbollit të Kosovës u takua me dy ndërkombëtarët e të rinjve zviceranë, Leon Avdullahun dhe Demir Xhemalijan, duke nxitur spekulime"

Një takim “për kafe” i kryetarit të Federatës së Futbollit të Kosovës, AgimAdemi me Leon Avdullahun dhe Demir Xhemalija në Bazel ka mjaftuar për të rrahur kambanat e alarmit nga mediat zvicerane. Siç shkruajanë 20 minuten dhe Blick, “presidenti i Federatës së Futbollit të Kosovës u takua me dy ndërkombëtarët e të rinjve zviceranë, Leon Avdullahun dhe Demir Xhemalijan, duke nxitur spekulime, transmeton albinfo.ch.
“Një kafe në Bazel me yllin e futbollit Leon Avdullahun. E përgëzova për fitimin e titullit me FC Basel dhe për transferimin e tij te TSG Hoffenheim”, ka shkruar Ademi në Facebook, duke postuar një foto me Avdullahun.
Postimi në dukje i padëmshëm në rrjetet sociale është sigurisht shpërthyes. Mesfushori i lindur në Solothurn mund të kalojë ende te Kosova, edhe pse ka luajtur për ekipet rinore të Federatës së Futbollit të Zvicrës (SFV) që nga niveli U-15, shkruajnë, me shqetësim, gazetat zvicerane.
Sipas informacioneve nga 20 Minuten, shkëmbimi midis Ademit dhe Avdullahut nuk është menduar si një përpjekje konkrete për “vjedhje” nga ana e Federatës së Futbollit të Kosovës. Ademi u takua me yllin në ngritje në një ngjarje futbolli në Bazel. Nuk ka ende asnjë tregues për një ofertë konkrete apo përpjekje bindjeje nga Kosova.
Një ndryshim i ekipit kombëtar për Avdullahun është ende i mundur, pasi lojtari 21-vjeçar, i cili sapo është ngjitur në Bundesligë, nuk ka luajtur ende ndeshje (garuese) për ekipin kombëtar të Zvicrës. Ai ka bërë gjashtë paraqitje për ekipin kombëtar U-21.
Me performanca të forta në FC Basel, Avdullahu luajti një rol të madh në fitimin e dy titujve sezonin e kaluar. Mbetet për t’u parë se cilin vend do të përfaqësojë ai në të ardhmen.
Fakti është: Avdullahu nuk ishte i vetmi lojtar junior i SFV-së që trajneri i Kosovës Ademi “e joshi “gjatë vizitës së tij në Bazel, shkruan tutje gazeta zvicerane.
Lojtari junior i FCB-së, Demir Xhemalija (19), u takua gjithashtu me Ademin, siç tregon fotografia e tij në Facebook, përcjell albinfo.ch. Mesfushori nga Möhlin ishte kapiten i ekipit kombëtar zviceran U-19 dimrin e kaluar, por teorikisht mund të luajë edhe për Kosovën.
E-Diaspora
-
I kërkuar nga drejtësia italiane, shqiptari arrestohet në një autobus turistik në Gjermani Sipas mediave të huaja, gjatë kontrollit, policia zbuloi se shqiptari ishte në kërkim nga autoritetet italiane. ...
-
Magjia e ngjyrave të shkrira në pikturat e saj ekspozohet në „Armaturen Flamatt“
-
Diamant Hysenaj ka shpallur kandidaturën për Kongresin Amerikan
-
Inxhinierja shqiptare diplomon në MIT, një tjetër histori suksesi nga Amerika
-
Përjetime të paharrueshme të nxënësve shqiptarë nga Zvicra në atdhe
Jeta në Zvicër
-
Lajme të rëndësishme nga Zvicra që duhet t’i dini për këtë javë Punonjësit zviceranë fitojnë paga më të larta se të huajt dhe disa profesionistë të rinj nga...
-
Grisons: Alpinisti vdes në Zernez
-
Kanton i vogël, ndikim i madh: Tani papritmas 84 milionë njerëz po lexojnë për Glarus
-
Ku duhet ta çoni makinën tuaj për servis dhe riparime në Zvicër?
-
Parandalimi dhe teknologjia mund të kursejnë miliarda në kujdesin shëndetësor zviceran