Meksikë: Një e vdekur pas sulmit nga peshkaqeni

Foto ilustrim

Një 26-vjeçare ka vdekur në Meksikë pasi është kafshuar në këmbë nga një peshkaqen, teksa ishte duke notuar me vajzën e saj pesëvjeçare kur ndodhi sulmi, shkruan albinfo.ch.

Sipas raportimeve nga SkyNews, ajo ka vdekur nga humbja e gjakut si pasojë e plagës masive nga kafshimi në këmbë.

Sulmi ndodhi në ujërat e qytetit të plazhit Melaque, në shtetin Jalisco në Meksikën perëndimore, të shtunën, ndërsa Rafael Araiza, kreu i zyrës lokale të Mbrojtjes Civile, tha se gruaja dhe vajza e saj po notonin drejt një platforme loje lundruese rreth 25 metra nga bregu kur ndodhi sulmi.