Mërgimtarët i sigurojnë 6 mijë euro, për një familje në Malishevë

Besir Bytyçi ka njoftuar se shumë mërgimtarë i janë përgjigjur kësaj iniciative dhe janë grumbulluar një sasi e mjeteve prej gjashtë mijë euro, për meremetimin e brendshëm të shtëpisë së Elmi Begajt

Mërgimtarët nga Gjermania kanë ndihmuar në renovimin e shtëpisë të familjarit Elmi Begaj nga Banja e Malishevës, shkruan albinfo.ch.

Mërgimtari dhe humanisti Besir Bytyçi nga Shkoza, e ka njoftuar kryetarin e komunës së Malishevës për këtë donacion. Këtij donacioni i shtohen edhe një pjesë tjetër e mjeteve të siguruara nga Komuna e Malishevës dhe shumë shpejt pritet që kjo familje të ketë të zgjidhur problemin e banimit.

Besir Bytyçi ka njoftuar se shumë mërgimtarë i janë përgjigjur kësaj iniciative dhe janë grumbulluar një sasi e mjeteve prej gjashtë mijë euro, për meremetimin e brendshëm të shtëpisë së Elmi Begajt.

Edhe kryetari i Malishevës, Ragip Begaj e falënderuar humanistin Bytyçi dhe të gjithë mërgimtarët që kanë siguruar mjetet për të rinovuar këtë shtëpi.

Besir Bytyçi ka bërë të ditur se kjo iniciativë ka filluar kohë më parë, ndërsa mërgimtarët të cilët kanë kontribuar me mjete janë: Bekim Bytyçi, Muhamet Bytyçi, Bahri Tahiri, Ramadan dhe Behar Kovaçi, Rifat dhe Haki Qamili, Gani Nuha, Haxhi Hoxha, Bajam Behrami, Ismet Jusufi, Agron Begaj, Imer Brahimi dhe Sajmir Ukaj, njofton faqja e Komunës së Malishevës.