Mërgimtarët nga Zvicra vazhdojnë të ndihmojnë në Kosovë

Gjithashtu me këtë automjet kanë arritur edhe disa pajisje të zjarrfikësve, si edhe disa projektorë dhe kompjuterë

Mërgimtarët nga Zvicra vazhdojnë të japin një ndihmë të madhe në Kosovë, në fusha të ndryshme.

Një nga shoqatat që ka ndihmuar shumë dhe vazhdimisht në Kosovë është “Diaspora Hilft”, shkruan albinfo.ch.

Së fundi, kjo shoqatë ka ndihmuar me një automjet për zjarrfikësit, ka njoftuar Besim Aliu.

Kjo është bërë në bashkëpunim mes Komunës së Gjilanit edhe Komunës së Berneck-Au-Heerbrugg në Zvicër. Ky automjet do t’u lehtësojë shumë punën zjarrfikësve.

Gjithashtu me këtë automjet kanë arritur edhe disa pajisje të zjarrfikësve, si edhe disa projektorë dhe kompjuterë, të cilët Komuna e Gjilanit do t’i shpërndajë aty ku ka nevojë. Transportin me sukses e arritën Valbon Hajdari dhe Labinot Shala.

---