Lajme
Mërgimtarët sjellin “Kalin e Trojës” në Kosovë
E kaluan një pjesë të madhe të jetës në Gjermani. E vite më pas, mërgimtari Sami Voca, bashkë me të birin e tij Florianin, u kthyen në Kosovë. Synimi i tyre ishte një investim në fshatin Maxherë të Mitrovicës.
Samiu e Floriani, të lidhur me rrënjët e tyre, po e sjellin historinë e Trojës në këtë fshat, e madje për të tërhequr edhe më shumë vizitorë, ata kanë ndërtuar ‘Kalin e Trojës’.
Floriani, 26-vjeçar, për herë të parë shkeli në vendlindjen e babait 6 vjet më parë. Ka studiuar për Kimi. Por përkundër arritjeve të tij në Gjermani, Kosova për të mbetet vendi më tërheqës.
Floriani që synon edhe mësimin e gjuhës shqipe për emisionin “Sot” në Kohavision tha se i pëlqen shumë fshati dhe mundësitë që ofrohen këtu, përcjell albinfo.ch.
Babai i tij, Samiu, deklaron se mërgimtarët janë ata, të cilët më së shumti e ndiejnë mallin për vendin e lindjes.
Për të tashmë po realizohet një dëshirë e kamotshme.
Që të dy të lidhur me traditat e Kosovës, ata kanë sjellë 26 kuaj e edhe gomarë, të cilët po e bëjnë edhe më tërheqës projektin e tyre.
Por, mungesa e zhvillimit të infrastrukturës rrugore dhe energjisë kanë qenë një nga problemet me të cilat janë përballur.
Megjithatë, Samiu e Floriani shpresojnë se ky problem nuk do të vazhdojë pas hapjes së biznesit, i cili pritet të startojë në këtë fundjavë.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit