Integrimi
Merr epilogun rasti “Ballkoni”: Dënime me kusht për babë e bir
Trupi gjykues e ka gjetur të dëshmuar akuzën se babai dhe i biri, të dy kosovarë, kanë kërcënuar rëndë dhe kanë provuar ta hedhin gruan e të riut nga ballkoni
Rasti gjyqësor i «ballkonit» ka marrë sot epilogun e tij gjyqësor në Gjykatën e Qarkut në Winterthur.
Babai 68 dhe i biri 34 vjeçar janë dënuar me kusht 11 gjegjësisht 10 muaj burg për kërcënimin dhe lëndimin e lehtë trupor të shkaktuar bashkëshortes së 34 vjeçarit. Trupi gjykues e ka gjetur të dëshmuar akuzën se babai dhe i biri, të dy kosovarë, kanë kërcënuar rëndë dhe kanë provuar ta hedhin gruan e të riut nga ballkoni i katit të tretë, shkruan nzz.ch. Akuza tjetër, ajo për detyrim, nuk është vërtetuar, transmeton albinfo.ch.
Ndërkaq faktin se ka shpallur dënime (pak) më të rënda se që i ka kerkuar akuza, trupi gjykues e ka arsyetuar me kërcënimet që të dy burrat i kishin bërë viktimës edhe para se ta përdornin dhunën ndaj saj. Madje edhe në rast se, siç pohojnë ata të dytë, gruaja ka provokuar për të gjetur një pretekst të ndarjes, kjo nuk e arsyeton në asnjë mënyrë ushtrimin e dhunës dhe kërcënimin ndaj saj.
Të dy meshkujve u është shqiptuar edhe gjoba në lartësi prej 400 fragash dhe detyrimi për kompensim prej 1000 frangash (secili). Ata do të paguajnë po ashtu edhe shpenzimet e procedurës penale, prej disa mijëra frangash.
Mbajtja e paraburgimit prej 170 ditësh do t`u llogaritet në masën e përgjithshme të dënimit.
Siç ka shkruar tashmë albinfo.ch, rasti ka ndodhur kështu: Babai, një 68 vjeçar nga Kosova, (i ardhur mysafir te i biri), i zemëruar se e reja, po ashtu me prejardhje nga Kosova por e rritur në Zvicër, «nuk po tregonte respekt ndaj tij» deshi ta hidhte atë nga ballkoni. Ai e kap me forcë 32 vjeçaren për krahësh dhe niset drejt ballkonit. Menjëherë i vie në ndihmë edhe djali, bashkëshorti 34 vjeçar i viktimës, i cili e kap të shoqen nga këmbët.
Por në momentin e fundit, derisa gruaja 32 vjeçe po mbrohej dhe po rezistonte me sa po mundej duke u mbajtur fort për grilat e ballkonit, shpëtimi i vjen nga i biri i saj 9 vjeçar, transmeton albinfo.ch. Ai e kafshon të atin aq fort në kofshë sa që e detyron atë ta lëshojë gruan.
Prokuroria kishte kërkuar burg dhjetë muaj me kusht për të riun dhe tetë muaj me kusht për babanë e tij.
Të ngjashme
Të tjera nga Integrimi
E-Diaspora
-
Itali
Arrestohet shqiptari në Itali, kishte mbi 1 kg kokainë në makinë Raportohet se një 38-vjeçar me origjinë shqiptare është arrestuar nga agjentë të policisë së Reggio Emilia...
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
-
Një shqiptaro-zvicerane ambicioze, në Kancelarinë Federale të Zvicrës
-
Thun
Jehon kënga e vallja shqipe në sheshin e qytetit Thun
-
Shqipëri: A do të mundësohet vota e emigrantëve në zgjedhjet 2025?
Jeta në Zvicër
-
Rritje e sulmeve me lazer dhe GPS ndaj aeroplanëve zviceranë Në vitin 2023, një çerek më shumë incidente u raportuan në fluturimet me avionë komercialë dhe...
-
Liria e shtypit zviceran përkeqësohet pavarësisht rritjes në renditje
-
Kjo linjë ajrore në Zvicër nis destinacione të reja për distanca të gjata
-
Një shqiptaro-zvicerane ambicioze, në Kancelarinë Federale të Zvicrës
-
Thun
Jehon kënga e vallja shqipe në sheshin e qytetit Thun