Lajme
Merz: Evropa duhet të forcojë përpjekjet për parandalimin e armëve bërthamore

Gjermania duhet të bisedojë me Francën dhe Britaninë e Madhe për rritjen e përpjekjeve te përbashkëta për parandalimin e armëve bërthamore ne Evropë, tha sot lideri konservator Friedrich Merz.
Duke folur për radion publike kombëtare “Deutschlandfunk”, Merz, i cili do të jetë kancelari i ardhshëm i Gjermanisë pas zgjedhjeve të muajit të kaluar, vuri në dukje bisedimet e tij të fundit me presidentin francez, Emmanuel Macron për parandalimin e armëve bërthamore.
“Ne duam para së gjithash t’i përafrojmë idetë tona me njëra-tjetrën”, tha Merz.
“Ne duhet të tërheqim edhe Britaninë e Madhe. Ne kemi ende dy fuqi bërthamore në Evropë”, tha ai.
Ndarja bërthamore është pjesë e konceptit të parandalimit bërthamor të NATO-s. Shtetet e Bashkuara të Amerikës lejojnë disa partnerë të NATO-s, duke përfshirë Gjermaninë, qasjen në bomba bërthamore në rast lufte, dhe forcat ajrore gjermane kanë bombardues me aftësi bërthamore që mund të mbajnë bomba amerikane.
“Bisedimet duhet të zhvillohen gjithmonë sipas aspektit të plotësimit të ombrellës bërthamore të SHBA-së, të cilën ne natyrisht do të dëshironim ta shihnim të ruajtur”, tha Merz.
Merz theksoi se Gjermania nuk do të lejohej të kishte arsenalin e saj bërthamor. Ai vuri në dukje të paktën dy traktate që e penguan këtë, duke përfshirë Marrëveshjen Dy Plus Katër që hapi rrugën në 1990 për ribashkimin e Gjermanisë.
“Sipas saj,, Gjermania hoqi dorë shprehimisht nga posedimi i armëve të veta bërthamore dhe kështu do të qëndrojë”, tha ai.
E-Diaspora
-
Gruaja e moshuar fut kosovarin në kurth duke e joshur me shufra ari fallco Personi që ka transportuar pakon nga Meileni në Olten është një kosovar 54-vjeçar ndërsa ai të...
-
Hapet edhe një klasë e re për mësimin e Gjuhës Shqipe në Birr të kantonit Argaut
-
Mediat italiane shkruajnë për vizitën e Nita Shalës në komunat Arbëreshe
-
Suedi: Në kuadër të Muajit të Frankofonisë, shfaqen dy dokumentarë nga regjisorët shqiptarë
-
Hap dyert Shkolla Shqipe në Frauenfeld në kantonin Thurgau
Jeta në Zvicër
-
Rekord tragjik: 28 viktima në aksidentet e skiatorëve në Zvicër dimrin e kaluar Dimrin e kaluar, 28 persona humbën jetën në aksidente gjatë tureve të skive në Zvicër, shifra...
-
Gjykata anulon kufirin e kufizimit 30 km/h në Gjenevë, triumfon ankesa e një polici
-
Zvicra do të shoh eklipsin e pjesshëm të diellit të shtunën
-
Pse gjithnjë e më shumë amerikanë të pasur po i vendosin paratë e tyre në bankat zvicerane?
-
A mund të bëhen vullnetarë të huajt për llojet e ndryshme të shërbimit kombëtar të Zvicrës?