Lajme

Mijëra veta po demonstrojnë në Bernë kundër masave të Kovidit

Sipas marrëveshjes me autoritetet e qytetit, kjo duhet të jetë protesta e fundit para votimit për ligjin Covid-19 që mbahet më 28 nëntor

Kundërshtarët e masave të kovidit janë mbledhur sot në Bernë. Sipas dëshmitarëve okularë, aty ndodhen disa mijëra njerëz.

Tubimi është miratuar nga Qyteti i Bernës dhe deri më tani nuk ka pasur incidente të rëndësishme, njofton agjencia e lajmeve SDA.

Pjesëmarrësit kanë marshuar në një rrugë të paracaktuar në drejtim të sheshit kryesor të qytetit, Bundesplatz ku tani po mbahen fjalime.

Qyteti i Bernës ka miratuar tubimin në fillim të javës, por me kushte të caktuara, trasnmeton albinfo.ch. Pra, kjo duhet të jetë protesta e fundit para votimit për ligjin Covid19 që mbahet më 28 nëntor.

Për këtë arsye, autoritetet e qytetit shpresojnë që demonstratat ilegale që janë zhvilluar të enjtet e kaluara gjithashtu do të ndalen.

Në prag të tubimit të së shtunës, në forumet përkatësetë kundërshtarëve të masave, në internet u ndez një debat i ashpër nëse ishte e drejtë që organizatorët e mitingut iu nënshtruan kushteve të qytetit.

Lëvizja “Massvoll”, për shembull, nuk merr pjesë zyrtarisht dhe në vend të kësaj shpërndan fletushka gjetkë.


LAJME INTERESANTE NGA INTERNETI