Lajme
Miliona maska “të mykura”në Zvicër: Qeveria ofron zëvendësimin e tyre
Maskat "me myk" vijnë nga një stok i vjetër prej 13.5 milionë maskash që Qeveria Federale i ka prokuruar në vitin 2007
Qeveria federale ka identifikuar prani të mykut në disa maska të stoqeve të vjetra, të cilat janë shpërndarë në fillim të pandemisë së koronavirusit. Këto maska do të kthehen mbrapshtë, thuhet në një njoftim nga qeveria, shkruan srf.ch.
Maskat “me myk” vijnë nga një stok i vjetër prej 13.5 milionë maskash që Qeveria Federale i ka prokuruar në vitin 2007 për përkujdesje pandemike, transmeton albinfo.ch.
Gjurmë të kontaminimit janë gjetur edhe në një grup tjetër prej rreth 300.000 maskash të tipit FFFP2. Prejardhja e papastërtive të konstatuara në këto maska, është objekt i hetimeve.
Sipas Departamentit të Mbrojtjes VBS, 18 milionë maskat që departamenti ua ka shitur shitësve me pakicë në prill si një furnizim fillestar me çmimin e kostos (pa përfitim) nuk janë të prekura nga ky problem.
Sipas VBS, asnjë papastërti e tillë nuk është gjetur në mostrat e mëparshme. Por për shkak se është e pamundur të provohen të gjitha maskat, si masë paraprake tërhiqet nga tregu e tërë sasia përcjell albinfo.ch. Të gjitha këto maska do të zëvendësohen pa pagesë, thonë në VBS .
Të gjithë konsumatorët të cilët mund të jenë prekur nga këto dërgesa të maskave tashmë janë kontaktuar ose po kontaktohen nga farmacia e ushtrisë, shkruan qeveria federale në komunikatën e saj.
Të ngjashme
Të tjera nga Lajme
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Gjenevë: Vjedhjet e biçikletave – zgjidhen rrallë Vjedhjet e biçikletave në Gjenevë janë në rritje dhe shumë rrallë zgjidhen. Me më shumë biçikleta...
-
Zvicër: Projekti kombëtar i testimit të tokës zhvillohet të shtunën dhe të dielën
-
Zvicra nuk do të ketë një ‘Indeks të Lumturisë Kombëtare Bruto’
-
Netflix në Zvicër, me kosto të lartë
-
Zvicër: Veçanërisht të moshuarit kanë votuar për pensionin e 13-të