Lajme
“Ministrat në Këshillin Federal punojnë në dëm të njëri-tjetrit”
Në dy hulumtime të bëra, Këshilli Federal ka marrë nota të këqija nga populli: mungesë e frymës ekipore, ngacmime të ndërsjella, mosbesim në mes të qeverisë dhe parlamentit...
Kohezioni dhe bashkëpunimi i anëtarëve të Këshillit Federal (Qeverisë Federale) shikohet në mënyrë kritike nga popullata. Kështu shkruajnë në botimet e tyre të sotme gazetat e së dielës, “SonntagsBlick” dhe “NZZ am Sonntag”.
Një sondazh përfaqësues i porositur nga “SonntagsBlick” ka treguar se shumica e popullatës nuk beson se Këshilli Federal punon mirë së bashku, transmeton albinfo.ch. “Ka një rivalitet të dukshëm në bord. Përmes vërejtjeve indiskrete, krerët e qeverisë tentojnë të dëmtojnë njëri-tjetrin”, thotë Michael Hermann, Drejtor Menaxhues i institutit kërkimor Sotomo, i cili ka kryer këtë sondazh.
Për 62 për qind të të anketuarve, formula magjike (qeveria me 7 ministra) është e tejkaluar në formën e saj aktuale. Megjithatë, ata nuk do të sakrifikonin një ministër nga SVP, PS, FDP apo partinë Qendra, për një ministër nga Partia e Gjelbër.
Në anketë janë vlerësuar edhe këshilltarët individualë federalë. Në vendin e parë është ministrja e Drejtësisë, Karin Keller-Sutter. “Ajo ishte në gjendje të dëshmonte veten duke pranuar refugjatët ukrainas. Departamenti saj është në fokus të kësaj krize”, thotë Hermann. Më së keqi në këtë sondazh ndahet Ignazio Cassis, aftësia e të cilit për të komunikuar është kritikuar.
Në të njëjtin drejtim shkojnë edhe rezultatet e hulumtimit të “NZZ am Sonntag”. Qeverisë i mungon shpirti i ekipit, është përfundimi i sondazhit Ka tri arsye kryesore për këtë. Së pari, formula magjike edhe këtu konsiderohet e vjetëruar, së dyti, departamentet e komunikimit në ministritë përkatëse janë përpjekur secila të vendosë ministrinë e saj në dritën më të mirë “dhe në këtë mënyrë ndoshta ka shkelur kufijtë”. Dhe së treti, marrëdhënia mes Këshillit Federal dhe Parlamentit ka pësuar dhe njerëzit nuk i besojnë më njëri-tjetrit.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Ja sa janë rritur fitimet e shefave të sigurimeve shëndetësore në Zvicër Që nga viti 2016, kompanitë e sigurimeve shëndetësore janë të detyruara të bëjnë të ditur kompensimin...
-
Sa banorë të huaj bëhen shtetas zviceranë çdo vit?
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës
-
Fëmijët të mbahen larg celularëve