Ministrja e re në Qeverinë Haradinaj

Shefja e zyrës administrative së Veriut, Adriana Hoxhiq, është emëruar ministre e Administrimit të Pushtetit Lokal nga Kryeministri i Kosovës, Ramush Haradinaj.

“Sot emërova Adriana Hoxhiq, ministre të Ministrisë së Administrimit të Pushtetit Lokal, e cila shquhet për angazhimin e saj për të mirën e të gjithë qytetarëve të Kosovës.

Është i njohur gjerësisht kontributi i saj në krijimin e urave të komunikimit dhe mirëbesimit ndërmjet komuniteteve të Kosovës”, shkruan Haradinaj në Facebook, përcjell albinfo.ch.

Emërimi i Hoxhiq erdhi disa ditë pasi Haradinaj shkarkoi nga kjo pozitë ish-ministrin e Administrimit i Pushtetit Lokal, Ivan Todosijeviq.

Shkak për shkarkimin e Todosijeviqit u bën deklaratat e tij ku i quajti shqiptarët terroristë, ndërsa masakrën e Reçakut të imagjinuar.