Mira Murati renditet mes grave më të fuqishme në teknologji nga revista Fortune

Ish-drejtuesja e OpenAI dhe themeluesja e “Thinking Machines Lab” renditet mes grave më të fuqishme në teknologji nga revista Fortune

Shqiptaro-amerikanja Mira Murati po vazhdon të shkëlqejë në botën globale të teknologjisë dhe inteligjencës artificiale, duke u konsideruar sot një nga sipërmarrëset më me ndikim në Silicon Valley, transmeton albinfo.ch.

36-vjeçarja, e cila u bë e njohur ndërkombëtarisht për rolin e saj drejtues në OpenAI, tashmë drejton kompaninë “Thinking Machines Lab”, një projekt inovativ në fushën e inteligjencës artificiale që po tërheq vëmendje të madhe në industrinë teknologjike.

Murati është përfshirë edhe në listën prestigjioze të revistës Fortune për “Gratë më të Fuqishme”, duke u renditur mes figurave më të rëndësishme të teknologjisë dhe biznesit në nivel botëror.

E njohur për vizionin e saj në zhvillimin e inteligjencës artificiale dhe për rolin kyç në projektet më të avancuara teknologjike, Mira Murati mbetet një nga emrat shqiptarë më të suksesshëm në arenën ndërkombëtare./Albinfo.ch.

---