Mirë dhe lirë: Tirana mes top-10 qyteteve në Evropë

“Daily Mail” e ka renditur kryeqytetin shqiptar në mesin e dhjetë qyteteve më të mira për çmimet më të lira

Po mendoni një vend për të vizituar, por jeni lodhur nga vendet ku shkoni zakonisht? Ndoshta është koha të mendosh jashtë “kornize”.

Kështu nis artikulli i “Daily Mail”, që rendit dhjetë vende që ia vlejnë të vizitohen, por ku më kryesorja është kursimi nga udhëtimi që nuk do ju zhgënjejë.

Shikoni listën tonë për udhëtimet me buxhet më të mirë, mund të mos jenë në listën tuaj të vendeve që shumica e njerëzve preferon, por ia vlen që t’i eksploroni, shkruan DailyMail.

Më tej prestigjiozja britanike vë në dukje për lexuesit e saj se ata do të habiten nga sa do të kursejnë duke udhëtuar në këto destinacione, transmeton “TCH”.

Mes 10 vendeve në listën e DailyMail është edhe Tirana. “Një tjetër destinacion ndoshta më pak i mundshëm për fundjavën, kryeqyteti i Shqipërisë i përshtatet atyre me një dell aventure. Duke vizituar muzetë historike dhe duke ecur përgjatë Bulevardi “Dëshmorët e Kombit” me ndërtesat e epokës komuniste, rekomandohet një udhëtim në Bunk’Art. Ky është një art bashkëkohor dhe muze i historisë moderne i vendosur në një ish-bunker të Luftës së Ftohtë. Në sheshin Skënderbej në qendër do të gjeni edhe shtëpinë e operës”, shkruan DailyMail për Tiranën, përcjell albinfo.ch.

 

Top-10

1. Dole, Francë
2. Kosice, Sllovaki
3. Aarhus, Danimarkë
4. Varshavë, Poloni
5. Rovaniemi, Finlandë
6. Lviv, Ukrainë
7. Tirana, Shqipëri
8. Bari, Itali
9. Bourgas, Bullgari
10. Izmir, Turqi

---