Mogherini: Në interes të të gjithëve është të garantohet paqja në Ballkanin Perëndimor

Përfaqësuesja e lartë e BE-së për Politikë të Jashtme dhe Siguri, Federica Mogherini, përpara mbërritjes së saj në Ballkanin Perëndimor tha se në interesin e të gjithëve është të garantohet paqja në rajon dhe përparimi drejt anëtarësimit në BE.

Në të njëjtën kohë, ajo është e bindur se BE-ja nuk do të jetë e plotë derisa vendet e Ballkanit Perëndimor të mos jenë pjesë e saj.

Mogerini brenda një turneu në Ballkan do të qëndrojë për vizitë në Podgoricë, Sarajevë dhe Shkup. Të premten ajo do të udhëtojë për në Beograd dhe vizita e saj në rajon përfundon të shtunën, me një vizitë në Kosovë, përcjell albinfo.ch.

“Ballkani është pjesë e Evropës dhe ka qenë gjithmonë kështu. Kufijtë politikë nuk mund t’i ndryshoni me gjeografinë aktuale, realitetet ekzistuese historike dhe kulturore. Qytetarët evropianë të Ballkanit meritojnë të njëjtat mundësi, të njëjtën mbrojtje dhe të drejta si qytetarët e tjerë të këtij kontinenti. BE-ja nuk do të jetë e plotë derisa rajoni ndodhet në zemër të Evropës, si pjesë e komunitetit tonë”, tha kreu i diplomacisë evropiane.