Mos i hiqni ende palltot e dimrit në Zvicër, temperaturat do të jenë të ulëta

Temperaturat do të jenë "shumë poshtë" normave sezonale dhe presioni i ulët do të vazhdojë deri në mes të javës

Megjithëse fillimi zyrtar i sezonit të pranverës është vetëm disa ditë larg, moti i ngrohtë nuk pritet në të ardhmen e afërt, transmeton albinfo.ch.

Stuhia ‘Luis’, e cila ka përshkuar Zvicrën në ditët e fundit me erëra të forta, do të çojë në një front të ftohtë, sipas shërbimit të motit të MeteoSwiss.

Temperaturat do të jenë “shumë poshtë” normave sezonale dhe presioni i ulët do të vazhdojë deri në mes të javës.

Periudhat e reshjeve të borës priten të paktën deri të mërkurën, parashikojnë meteorologët.

Në shpatin verior të Alpeve tashmë kanë rënë 10-30 cm dëborë të freskët. Po ashtu, mediat zvicerane shkruajnë se gomat e dimrit duhet të jenë me patjetër gjatë kësaj kohe. /Albinfo.ch

 

---