Murati e Kadare, bisedojnë për fuqizimin e shqiptarëve në Ballkan

“Me Kadarenë biseduam për fuqizimin e faktorit shqiptar në Ballkan dhe për tema të tjera aktuale në gjithë hapësirën shqiptare”, ka shkruar Murati

Ministri i Diasporës i Kosovës, Valon Murati, ka takuar në Francë shkrimtarin e madh shqiptar, Ismail Kadare. Në një postim në profilin e tij në Facebook, ministri kosovar, Murati, ka bërë të ditur se me shkrimtarin e madhe ka biseduar për fuqizimin e faktorit shqiptar në Ballkan dhe për tema të tjera aktuale në gjithë hapësirën shqiptare.

“Me Ismail Kadarenë biseduam për domosdoshmërinë e konsensusit në mes politikës shqiptare për të fuqizuar faktorin shqiptar në Ballkan dhe për të forcuar orientimin evropian të kombit tonë. Biseduam edhe për tema të tjera dhe punën që po bëjmë si ministri për të ruajtur gjuhën shqipe dhe identitetin shqiptar. Gjithashtu i tregova sa të lumtur do ishim po ta kishim në Kosovë më 1 dhe 2 gusht, gjatë Ditëve të Diasporës”, ka shkruar ministri Murati.