Mustafi: E duam titullin në Angli

Sa herë ka qenë Shkodran Mustafi në fushë, skuadra londineze nuk ka pësuar humbje, por përfaqësuesi i Gjermanisë e dëshiron edhe titullin

Foto Ilustrim

Mbrojtësi shqiptar, Shkodran Mustafi është kthyer në një futbollist të rekordeve, pasi në fundjavë regjistroi ndeshjen e 15-të pa humbje tek Arsenali, shkruan albinfo.ch.

Sa herë ka qenë Mustafi në fushë, skuadra londineze nuk ka pësuar humbje, por përfaqësuesi i Gjermanisë e dëshiron edhe titullin.

“Si Arsenal ju dëshironi fitoren dhe mund të shihni në sy se askush nuk dorëzohet deri në sekondën e fundit. Kjo tregon se sa kemi besim në vete dhe se do të luftojmë për titull. Fitorja është e rëndësishme për ne edhe nëse nuk shikojmë rezultatet e të tjerëve”, ka thënë mbrojtësi shqiptar.

Ai të dielën shënoi golin e parë në fanellën e Arsenalit, derisa gjatë verës u transferua nga Valencia për 45 milionë euro.