Lajme

Napoli po kërkon Rashicën

Napoli po synon të përforcojë ekipin për sezonin e ri. Klubi italian së fundi ka shprehur interesim për sulmuesin kosovar të Werder Bremenit, Milot Rashica.

Sipas “Tuttosportit”, skuadra italiane e sheh Rashicën si zëvendësues ideal të Jose Callejonit që do të largohet.

Rashica do të largohet nga Werderi gjatë kësaj vere që po kërkon mbi 20 milionë euro për sulmuesin.

Për Rashicën interesim ka shprehur edhe Leipzigu, që ka nisur bisedimet me klubin e Werderit. Rashica këtë sezon ka shënuar 11 gola dhe tetë asistime.