Lajme
Në Austri do të rriten pagat e politikanëve
Kjo për shkak të inflacionit të lartë
Për shkak të shkallës së lartë të inflacionit rriten pagat e politikanëve në Austri, ndërsa punonjësit në degë të ndryshme të ekonomisë janë ende në negociata për marrëveshje të re kolektive, pra rritje automatike të pagave, përcjell albinfo.ch.
Ndërkohë, Zyra austriake e auditimit ka përcjellë deri në Qeveri “faktorin e përshtatjes”, pra përqindjen me të cilën nga 1 janari do të rriten pagat e funksionarëve shtetërorë. Për bazë është marrë inflacioni nga korriku i vitit 2021 deri në qershor të këtij viti që arrin 5.3 për qind.
Kjo do të rrisë ndjeshëm të ardhurat, për shembull, të presidentit të Austrisë për 1.344 euro në muaj dhe paga e tij mujore bruto do të jetë 26.701 euro. Paga e kancelares do të rritet për 1.200 euro në 23.840 euro. Ndërsa pagat e deputetëve do të rriten për 497 euro në 9.832 euro. Rritja e pagave hyn në fuqi me automatizëm, përveç nëse Parlamenti nuk sjell vendim që të mos përshtatë pagat e politikanëve me shkallën e inflacionit.
Derisa partitë në pushtet, Partia Popullore (OVP) dhe të Gjelbrit heshtin, Partia Socialdemokrate (SPO) dhe Partia e Lirisë (FPO) kërkojnë të mos ketë përshtatje me automatizëm të pagave me inflacionin.
Madje, kreu i FPO-së, Herbert Kikl, ka kërkuar uljen e pagave të anëtarëve të qeverisë, por edhe të “opozitës së rreme” për shkak të keqmenaxhimit të politikës që nga koha e pandemisë e deri te sanksionet e vendosura ndaj Rusisë.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritrea Një komitet i Këshillit Kombëtar miratoi një mocion të premten duke kërkuar që Zvicra të nënshkruajë...
-
Sa vlen Zvicra për UBS-në?
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën
-
Zvicër: Më 2024 priten më shumë zjarre për shkak të ngrohjes globale